pati ang puso ko'y umaawit rin

inaawitan ng hangin
ang mga along
isinisigaw ang iyong pangalan
sa karagatan ng umagang
sinasalamin ng mga silahis ng araw
ang iyong mukhang kinasasabikan

hinahagkan kita
sa aking isipang
umaapaw sa iyong ala-ala
kasabay ng pusong
ikaw rin ang pinipintig

inaawitan ng hangin
ang maalong umagang
muli'y ikaw at ikaw lamang
ang ginugunita

kasabay ng hangin,
pati ang puso ko'y umaawit rin

April 16, 2008
Kawit, Medellin, Cebu