sa isang sulok ng magdamag

kunukupkop ng madaling-araw

ang mga sandaling hinabi

sa bawat pagdalaw,

sa bawat nating pagyakap

sa bawat sandaling

nilalabanan,

kinukupkop rin

sa isang sulok ng magdamag

ang katotohanang pilit mang baguhi'y

nananatili.

nananatiling nakagapos

ang aking puso

nananatiling ikaw lamang

ilang ulit mang labanan

at sa isang sulok

ng bawat nating magdamag

nagkukubli ang bawat nating damdamin,

ang bawat pagtibok

ang bawat paghinga

at may lungkot

sa pagtuklas

na sa isang sulok ng magdamag

tiyak ang binibigkas

ng puso ko sa iyo

at ng puso mo sa akin,

na kahit sa iisang sulok sabay ang pagtibok

hindi pa rin iisa ang nadarama.